Tuesday, September 4, 2007

ആശുപത്രിവാസം 8-ആം ദിവസം

ഇന്നലെ രാത്രി അമ്മയ്ക്ക് കൂട്ടായി അമ്മമ്മ മാത്രേ ഉണ്ടായിരുന്നൊള്ളു....
പണിക്കാരിചേച്ചിയെ കെട്ടിയോന്‍ വന്ന് കൂട്ടിക്കൊണ്ടു പോയി.. ഇന്ന് വരുമായിരിക്കും.
അച്ഛമ്മയും ഇന്ന് വരുവല്ലോ....
അമ്മയ്ക്കിന്ന് രാവിലെ ഭയങ്കര സങ്കടായിരുന്നു..
അമ്മ അച്ഛനേ സ്വപ്നം കണ്ടൂത്രേ..
രാവിലേ തന്നേ അച്ഛനേ വിളിച്ചേപ്പിച്ചു കരയുവേം പറയുവേം ചെയ്യുന്ന കണ്ടപ്പോള്‍ ഞങ്ങള്‍ക്കും സങ്കടം വന്നു..
പാവം അച്ഛനും സങ്കടം വന്നു കാണും..
അച്ഛന്‍ വേഗം വന്നാല്‍ മതിയായിരുന്നു.
ഹായ്..വല്യമ്മാവന്‍ വന്നല്ലോ...അച്ഛമ്മയും, അമ്മച്ഛനും വന്നു..
ഇനി നല്ല രസമായിരിക്കും...അവരുടെ വര്‍ത്താനോക്കെ കേട്ട് അമ്മയുടെ സങ്കടമൊക്കെ തീരും..
ഞങ്ങള്‍ക്കും ബോറടി മാറിക്കിട്ടും...
ഇനി നാളെ...