Wednesday, September 5, 2007

അച്ഛന്‍ നാളെ വരും

അറിഞ്ഞില്ലേ..
ഞങ്ങളുടെ അച്ഛന്‍ നാളെ വരുവല്ലോ..
അമ്മയും , ഞങ്ങളും എത്ര ദിവസമായി കാത്തിരിക്കുവാന്നറിയാമോ ?
അച്ഛന്‍ ശരിക്കും നാളെ കഴിഞ്ഞു വരാനാ ഇരുന്നത്..
നാളെ വാ അച്ഛാ..നാളെ വാ അച്ഛാന്ന് ഞങ്ങള്‍ വിളിക്കുന്നത് അച്ഛന്‍ കേട്ടൂന്നാ തോന്നുന്നത്.
എന്താണേലും അമ്മ ഭയങ്കര ഹാപ്പിയാ..
അതോണ്ട് ഞങ്ങളും..
അച്ഛന്‍ വരണോണ്ട് കൂറേ ദിവസത്തേക്ക് ഞങ്ങളിനി ബ്ലോഗില്‍ വരൂല്ലാ..
ഇനി പിന്നെ കാണാവേ...

Tuesday, September 4, 2007

ആശുപത്രിവാസം 8-ആം ദിവസം

ഇന്നലെ രാത്രി അമ്മയ്ക്ക് കൂട്ടായി അമ്മമ്മ മാത്രേ ഉണ്ടായിരുന്നൊള്ളു....
പണിക്കാരിചേച്ചിയെ കെട്ടിയോന്‍ വന്ന് കൂട്ടിക്കൊണ്ടു പോയി.. ഇന്ന് വരുമായിരിക്കും.
അച്ഛമ്മയും ഇന്ന് വരുവല്ലോ....
അമ്മയ്ക്കിന്ന് രാവിലെ ഭയങ്കര സങ്കടായിരുന്നു..
അമ്മ അച്ഛനേ സ്വപ്നം കണ്ടൂത്രേ..
രാവിലേ തന്നേ അച്ഛനേ വിളിച്ചേപ്പിച്ചു കരയുവേം പറയുവേം ചെയ്യുന്ന കണ്ടപ്പോള്‍ ഞങ്ങള്‍ക്കും സങ്കടം വന്നു..
പാവം അച്ഛനും സങ്കടം വന്നു കാണും..
അച്ഛന്‍ വേഗം വന്നാല്‍ മതിയായിരുന്നു.
ഹായ്..വല്യമ്മാവന്‍ വന്നല്ലോ...അച്ഛമ്മയും, അമ്മച്ഛനും വന്നു..
ഇനി നല്ല രസമായിരിക്കും...അവരുടെ വര്‍ത്താനോക്കെ കേട്ട് അമ്മയുടെ സങ്കടമൊക്കെ തീരും..
ഞങ്ങള്‍ക്കും ബോറടി മാറിക്കിട്ടും...
ഇനി നാളെ...

Monday, September 3, 2007

ആശുപത്രി വാസം - 7-ആം ദിവസം

പറയാന്‍ മറന്നൂട്ടോ...
അമ്മ ഇപ്പോ ആശുപത്രിയിലാ...അതോണ്ട് ഞങ്ങളും..
ഇവിടെ വന്നിട്ടിപ്പോ 7 ദിവസമായി..
ഓണം കഴിഞ്ഞ് ഞങ്ങളേ ഇവിടെ കൊണ്ടെ ആക്കിയിട്ടാ അച്ഛന്‍ പോയേ...
പാവം അച്ഛന്‍ ..ഒത്തിരി വിഷമിച്ചാ പോയേ..
ഞങ്ങാളോട് അമ്മയെ ഒത്തിരി വിഷമിപ്പിക്കരുത് എന്ന് പറഞ്ഞിരുന്നു.
ഞങ്ങളുടെ ചാട്ടവും, കളീയും കാരണമാ അമ്മ ഒത്തിരി ക്ഷിണിച്ചതെന്നാ എല്ലാരും പറയുന്നെ.
അച്ഛന്‍ ഇന്നലേക്കൂടി പറഞ്ഞു. ഞങ്ങളോട് അടങ്ങിയിരിക്കാന്‍...
അതോണ്ട് ഞങ്ങള്‍ ഇപ്പോ കുറച്ചു മര്യാദക്കാരാ.
എന്നിട്ടും അമ്മേടെ ക്ഷീണം കൂടിക്കൂടി വരികയാ..
എല്ലാം വേഗം ശരിയാവുമായിരിക്കും..
എല്ലാരും പ്രാര്‍ത്ഥിക്കുന്നുണ്ട്..
നിങ്ങളും പ്രാര്‍ത്ഥിക്കണേ....എല്ലാം നന്നായി വരാന്‍..
സ്‌നേഹപൂ‍ര്‍വ്വം.
അച്ചൂം, അമ്മൂം...

ഞങ്ങളു പിന്നേം വന്നേ..

അച്ചൂം ഞാനും ഭയങ്കര ബിസിയായിരുന്ന കൊണ്ടാ കുറേ നാളായി ഒന്നും എഴുതാതിരുന്നത്‌ കേട്ടോ..

എന്തെല്ലാം രസകരമായ കളികളാണെന്നോ ഞങ്ങള്‍ ഒപ്പിക്കുന്നേ...

ഞങ്ങളെപ്പോഴും ഒളിച്ചേ കണ്ടേ കളിക്കുവാന്നാ അമ്മ പറയുന്നേ..

ഞങ്ങളെന്നാണേലും പുതിയ സ്ഥലത്തേക്കു വരാനുള്ള തയ്യാറെടുപ്പിലാ..

ഉടനേ കാണാവേ..

പിന്നെ ഇത്തിരി സസ്‌പെന്‍സ്‌ ഉണ്ട്‌..

അമ്മയ്കും, അച്ഛനും ഞങ്ങള്‍ക്കും മാത്രമേ ഇപ്പോ അത്‌ അറിയത്തുള്ളല്ലോ...

എല്ലാം പിന്നെ പറയാവേ..

അച്ഛന്‍ വരാന്‍ കാത്തിരിക്കുവാ ഞങ്ങള്‌..

ഉമ്മ...

ഞങ്ങളുടെ ചക്കര അച്ഛന്‌.