ഞാന്‍ അമ്മിണി.
അമ്മക്കിഷ്ടം അമ്മൂന്ന് വിളിക്കാനാ...അച്ഛന്‍ പറഞ്ഞു അമ്മിണീന്ന് മതിയെന്ന്..എനിക്ക്‌ രണ്ടും ഇഷ്ടാ..
എന്റെ ബെസ്റ്റ്‌ ഫ്രണ്ടും, സഹോദരനുമൊക്കയാ അച്ചുക്കുട്ടന്‍.
ആര്‍ക്കും ഞങ്ങളേ ഇപ്പോ കാണാമ്പറ്റൂല്ല. ഞങ്ങളിങ്ങനെ കഥയൊക്കെ പറഞ്ഞിങ്ങനെയിരിക്കും..
അവനൊരു പാവമാ കേട്ടൊ..അതു കൊണ്ട്‌ വഴക്കൊന്നും ഇല്ല.
എന്നാലും ഞങ്ങള്‍ക്ക്‌ മിക്കവാറും സങ്കടമാ..
എന്തെന്നാല്‍ അമ്മക്കെപ്പൊഴും സങ്കടമാ.
ചിലപ്പോഴൊക്കെ ഞങ്ങളെയോര്‍ത്ത്‌...
ചിലപ്പോള്‍ ദൂരെ ജോലിസ്ഥലത്ത്‌ ഒറ്റക്കുള്ള അച്ഛനെയോര്‍ത്ത്‌..
മറ്റു ചിലപ്പോള്‍ വേറെയെന്തിനെങ്കിലും.
അമ്മ പാവമാ.
അച്ഛനാ അതിലും പാവം.
അമ്മക്കിന്നിരി സന്തൊഷമൊക്കെയുണ്ട്‌.
അച്ഛന്‍ നാളെ കഴിഞ്ഞ്‌ വരും.
അമ്മക്ക്‌ സന്തോഷമായതു കൊണ്ട്‌ ഞങ്ങള്‍ക്കും സന്തോഷമാ..
"ഞങ്ങളുടെ പൊന്നച്ഛന്‍ വരുമല്ലോ...ഉമ്മ തരുമല്ലോ.."
ഇനി നാളെ...
~അമ്മിണി
Subscribe to:
Post Comments (Atom)
No comments:
Post a Comment