Wednesday, September 12, 2007

അപ്പോ ശരി!!

അപ്പോ ശരി എന്നാ..
ഇനി കുറച്ചു ദിവസം കഴിഞ്ഞു കാണാവേ..
അച്ഛനവിടെ ഇരുന്നിട്ട് ഒരു സമാധാനവുമില്ലത്രേ.
അതോണ്ട് ഇങ്ങു പോരുവാ.
ഞങ്ങള്‍ അച്ഛന്‍ വരുന്നതും കാത്തിരിക്കുവാ.
അച്ഛന്‍ പോന്നാല്‍ പിന്നെ ഞങ്ങള്‍ക്ക് ബ്ലോഗില്‍ വരാന്‍ പറ്റുല്ല.
ഇനി പിന്നൊരിക്കല്‍ കാണാവേ..
എല്ലാവരും പ്രാര്‍ത്ഥിക്കണോട്ടോ..

Monday, September 10, 2007

ഈ അച്ഛന്റെ ഒരു കാര്യം !!

അച്ഛന്റെ കാര്യം പറഞ്ഞാല്‍ ബഹുരസമാ..
എപ്പോഴും ഞങ്ങളുടെ വരവിനേക്കുറിച്ചു മാത്രാ ചിന്ത..
ഇതിനേ പറ്റിയുള്ള സകലകാര്യോം വായിച്ചു പഠിക്കലാ എപ്പോഴും...
അമ്മ എന്തു വിഷമതകള്‍ പറഞ്ഞാലും അപ്പോഴേ പറയും..
“ഇതൊക്കേ ഇപ്പോ ഉള്ളതാടീ..”ന്ന്..
പിന്നെ അതിനേക്കുറിച്ച് കുറേ വിശദീകരണവും..
അമ്മക്ക് അതൊക്കെ കേട്ട് ചിരി വരും..
‘പിന്നേ..പറേന്നതു കേട്ടാന്‍ മുന്‍പരിചയം ഉള്ള പോലാണല്ലോ ?”ന്ന്.
ഇന്ന് രാവിലേ തന്നേ അര മണിക്കൂര്‍ ക്ലാസ്സ് കഴിഞ്ഞതേ ഉള്ളൂ..
ഞങ്ങള്‍ ചാടുവാ, കുത്തുവാന്നൊക്കെ അമ്മ പറഞ്ഞപ്പോള്‍,
അച്ഛന്‍ പറേവാ, അതൊക്കെ ഉണ്ടാകുംന്നൊക്കേ..
ഏതാണ്ടൊരു ഇംഗ്ലീഷ് പേരും പറഞ്ഞു.
‘braxton hicks‘- എന്നോ മറ്റോ..
അതൊക്കെ കേട്ട് അമ്മ ഒത്തിരി ചിരിച്ചു.
കൂടെ ഞങ്ങളും..
ഈ അച്ഛന് വേറേ പണി ഒന്നും ഇല്ലേ..?
ഇത്രക്ക് ആധിപിടിക്കേണ്ട വല്ല കാര്യോം ഉണ്ടോ..?
ങാ..എല്ലാ അച്ഛന്മാരും ഇങ്ങനെ ആയിരിക്കാം..

ഞങ്ങക്കെപ്പോഴും കാണണം

അച്ഛന്‍ പോയി..
ഇനി ഒരാഴ്ച കഴിഞ്ഞേ വരൂ..
അമ്മയ്ക്കപ്പടി സങ്കടായിരുന്നു..
ഞങ്ങള്‍ക്കും..
അച്ഛനെപ്പോഴും അടുത്ത് വേണംന്നാ ആശ...
ഞങ്ങക്കെപ്പൊഴും കാണണം.
മൂന്നു ദിവസം എത്ര പെട്ടന്നാ ഓടിപ്പോയത്...
ഇനിം 5 ദിവസം കാത്തിരിക്കണം.
അച്ഛനും ഒത്തിരി സങ്കടപ്പെട്ടാ പോയത്..
ഞങ്ങളുടെ അടുത്തൂന്നും പോവാന്‍ മടിയായിരുന്നു.
അച്ഛന്‍ വന്നിട്ടു മതി “കൂടുമാറ്റം”ന്ന് പറഞ്ഞിട്ടാ പോയത്.
അച്ഛന്‍ പറഞ്ഞാല്‍ ഞങ്ങള്‍ കേള്‍ക്കാതിരിക്കുമോ?
ഞങ്ങടെ പഞ്ചാരയച്ഛനല്ലേ?

അതോണ്ട് ഇത്തിരിം കൂടി കാത്തിരിക്കാം ല്ലേ..?