Monday, September 10, 2007

ഈ അച്ഛന്റെ ഒരു കാര്യം !!

അച്ഛന്റെ കാര്യം പറഞ്ഞാല്‍ ബഹുരസമാ..
എപ്പോഴും ഞങ്ങളുടെ വരവിനേക്കുറിച്ചു മാത്രാ ചിന്ത..
ഇതിനേ പറ്റിയുള്ള സകലകാര്യോം വായിച്ചു പഠിക്കലാ എപ്പോഴും...
അമ്മ എന്തു വിഷമതകള്‍ പറഞ്ഞാലും അപ്പോഴേ പറയും..
“ഇതൊക്കേ ഇപ്പോ ഉള്ളതാടീ..”ന്ന്..
പിന്നെ അതിനേക്കുറിച്ച് കുറേ വിശദീകരണവും..
അമ്മക്ക് അതൊക്കെ കേട്ട് ചിരി വരും..
‘പിന്നേ..പറേന്നതു കേട്ടാന്‍ മുന്‍പരിചയം ഉള്ള പോലാണല്ലോ ?”ന്ന്.
ഇന്ന് രാവിലേ തന്നേ അര മണിക്കൂര്‍ ക്ലാസ്സ് കഴിഞ്ഞതേ ഉള്ളൂ..
ഞങ്ങള്‍ ചാടുവാ, കുത്തുവാന്നൊക്കെ അമ്മ പറഞ്ഞപ്പോള്‍,
അച്ഛന്‍ പറേവാ, അതൊക്കെ ഉണ്ടാകുംന്നൊക്കേ..
ഏതാണ്ടൊരു ഇംഗ്ലീഷ് പേരും പറഞ്ഞു.
‘braxton hicks‘- എന്നോ മറ്റോ..
അതൊക്കെ കേട്ട് അമ്മ ഒത്തിരി ചിരിച്ചു.
കൂടെ ഞങ്ങളും..
ഈ അച്ഛന് വേറേ പണി ഒന്നും ഇല്ലേ..?
ഇത്രക്ക് ആധിപിടിക്കേണ്ട വല്ല കാര്യോം ഉണ്ടോ..?
ങാ..എല്ലാ അച്ഛന്മാരും ഇങ്ങനെ ആയിരിക്കാം..

1 comment:

Sul | സുല്‍ said...

:) കൊള്ളാം അച്ഛനും മക്കളും.
-സുല്‍